سهم جديد في القلب الوطن سددوه
ماخلاص وش الوطن سودوه
فين ريحتك ياوطن
فين طعمك فين ملامحك
كل شئ جميل أبادوه
وقال ايه تمديد للطوارئ
طواري مين ياهووووه
ده كل عمل اجرامي
انتوا بتصنعوه
والشعب علي السلبيه بتعودوه
ماهوا النجاح بتكرهوه
أي باب فاتح ع النور بتسدوه
والحريه .. الحريه دي بنت كلب
دي من صناعة الغرب
حتعلم الناس
ازاي يكونوا بني ادمين
زي اي شعب
حتجرنا للي انتوا بتكرهوه
يبقي لازم تقضوا عليها
والوطن لزمن الجاهليه ترجعوه
يالا خلوا حياتنا كلها طوارئ
خلوا سلطانكم مشانق مطارق
وكل اللي يهتف بعدم ضميركم
ع السجن ضغري لازم تودوه
خلاص أصبح الفرعون ونخبته أسوأ وجوه
رمز عالمي للفساد
حكايه حقيره للاستبداد
فمبارك عليكم طوارئ .. بنادق .. سجون .. مشانق
فاشكروه علي دي النعمه واحمدوه
الاشتراك في:
تعليقات الرسالة (Atom)
ليست هناك تعليقات:
إرسال تعليق