فرعون
قالوا لفرعون من فرعنك
قال: ملقتش حد يشكمنى
حد يوقف فى وشى مرة
ويوقفنى عند حدى ويحاسبنى
دا اللى شجعنى على أن اتفرعن
وأفرعن من بعدى...... إبنى؟
قالوا لفرعون من فرعنك
قال: لقيت شعب ملوش أى صوت
لسان حال بيقولى عدى وفوت
هم اللى صنعو منى طاغوت
استبد.....اهد.....ابنى
لا حد فى يوم قال معطشنى ولا مجوعنى
يبقى ليه بقى متفرعنش.... وأفرعن من بعدى ابنى؟
قالوا لفرعون من فرعنك
قال: لقيت شعب راضى بجبروتى ..... بغطرستى وغرورى
ودورى يا أيام دورى
وف كل يوم بتتمدد أكتر جدورى
لحد ما بقى خلاص لافيه دورك ولا دورى
وبقى من المستحيل تغييرى
يبقى بقى ليه متفرعنش.... وأفرعن من بعدى ابنى؟
قالوا لفرعون مين فرعنك
قال: الناس الهبلة
اللى لو اتحدو وبقو فى الجبهة المقابلة.... وابتدت المنازلة
كانت حتتغير المعادلة
لكن الكل رضي باستبدادى وطغيانى وسجانى وسجنى
يبقى بقى لازم اتفرعن
وأفرعن ........ من بعدى أبنى
من أنا
- محمد عبيد
- أن التاريخ يسير نحو الحرية ..... وليس العبودية إن حرية الرأى متصلة بحرية إصدار الصحف وكافة المطبوعات وإظهار الرأى والإفصاح عنه بمختلف الطرق والأشكال دون أن تكون هناك قوة مضادة تعمل على قمع ذلك ويكون أول ضحاياها المناضلين والمبدعين المعارضين للنظام الحاكم
ليست هناك تعليقات:
إرسال تعليق